Entsteehig

D'Herremättli isch dr Iiberräschte von ere Damboure und Pfyfferglygge, wo irgendwenn zwische 1913 und 1919 yygange isch. Dr „Zopf-Club", so het die Glygge ghaisse, het e Seggelmaischter gha, wo d Kasse anderwyttig uusgää het. Ob är dr erscht gsii isch, wisse mer nit, aber uff jede Fall nit dr letscht. Dr Zopf-Club het uff alli Fäll mit 3'000 Frangge Schulde uffgheert z exischtiere. E baar Fiirigbliibeni vom „Zopf-Club" hänn denn 1920 under em Namme "Aafängergligge" zem erschte mool Fasnacht gmacht und zwor als Waagegligge. Doodermit het das Iibel vo de Waage si Aafang gfunde. Im Johr 1921 het die Gligge denn als "Herremättli-Clique" zem erschte mool Fasnacht gmacht, und sythär sinn iiber 90 Johr verbyygange und d Herremättli het mit wenige Uusnaame jedes Joor ihre Byytrag zer Basler Fasnacht glaischtet. D'Grindigsmitgliider sinn gsii:

 

Edi Zuber

Eugen Hug sen.

Karl Speck

Albert Nübling

Wilhelm Jehle

Otto Schmidt