Zeedel und Sprich vo de Herremättli hänn e Huffe Lyt gschriibe. So het in de dryssger Joor dr Theobald Baerwarth dr Zeedel und d Waagevärs gmacht, wie die vo 1935, wo-n-is erhalte bliibe sinn.

Schpeeter het dr Otti Lehmaa vom Radio Basel als Zeedeldichter und Värslibrinzler fir is gwirggt.

Ändi letschts Joorhundert (aigentlig sogar Joordausig) het dr Hardy Lang, e ex Aggdyve, ainigi ganz tolli Zeedel brinzlet.

Syt e baar Joor versuecht sich unsere Mooler und ehemoolige Obmaa au no in däm Metier.

Zum ene Zeedel vom Otti Lehmaa git's e glatti Bigäbehait: Dr Zeedel vo anne 1953, s Sujet isch dr OeKK-Schnitzge gsi. Dr Entwurf isch, wie das so iiblig gsi isch, an d Bolizey gschiggt worde und vo deert mit Schtämpel und Unterschrift, ass er in Ordnig isch, zrugg koo. Denn het me-n-en in Druggerei Wilhelm gschiggt und vo deert isch er mit folgendem Biglaitbrief zrugg ko.